Dalilin Katsewar Wutar Lantarki A Sassan Birnin Tarayya Abuja-Aedc

Kamfanin Rarraba Wutar Lantarki ta Abuja, AEDC, ya ce matsalar fasaha da ta samu da feeder shi ne ya sa wutar lantarki ta katse a yankunan Mabushi, Jahi, Kado Kuchi da sauran yankunan babban birnin tarayya. Kamfanin ya sanar da hakan ne a ranar Talata ta shafin ta na yada zumunta na X wato tweeter kenan. A cewar kanfanin rarraba wutar lantarki ta Abuja AEDC ta ce sauran wuraren da abin ya shafa sun hada da Naval Quarters da kuma gidajen Lakeview. Hukumar Rarraba Wutar Lantarki ta Abuja, AEDC, tana son sanar da abokan huldarta masu daraja da ke Mabushi, Lakeview Homes, Kado Kuchi, Naval Quarters, sassan Jahi da kewaye (Abuja) Inda hukumar ke cewa matsalar wutar lantarkin da aka samu ya faru ne sakamakon wani lalurar fasaha da feeder ta samu. Shi wannan feeder ita ke hidimar bada wuta a wadannan wuraren, kamar yadda sanarwar ta bayyana. Wannan sanarwar na zuwa ne dede bayan da kasar ta fada cikin duhu ta dalilin rugujewar National Grid wadda ake sa ran ana iya bakin kokari don shawo kan lamarin yadda za a gyara.